بس الله الرحمن الرحيم
فى البداية احب ان اقدم تحية لكل الاعضاء الجدد المنضمين للمنتدى
والى لسة هاينضموا كمان
لغة Asp سمعنا بيها كتير فهى مرتبطة باسم شركة عالمية معروفة الا وهى شركة Microsoft وهى الى انتجت هذة اللغة وتقوم بدعمها وتطويرها حالايا وعلى مدى سنوات طويلة

ولكن علشان نبدأ صح مع اللغة دى مش هانشرح تاريخها اية ولا هانعمل مقارانت بينها وبين لغات تانية فاحنا هدفنا هنا اننا نتعلم اللغة القوية دى ونتقنها باذن الله

طب نبدا؟
اولا الفورم ( Forms )
ياترى سمعت الاسم دة قبل كدة؟
لو كنت من مستخدمين برنامج الفرونت بيج او برامج تحرير صفحات الويب او تعاملت حتى فى لغة Html ولو بشكل بسيط اكيد الاسم دة هايكون عدى عليك من قبل لكن هانفترض انك لم تسمع بهذا الاسم من قبل طيب ماتيجى نشوف مثال على الفورم دى على الطبيعة ونبدأ شرحها

أضغط هنــــا

وبعد مادخلت اعتقد الصورة واضحة ولنشوف المنظر دة كتير فى خلال تعاملنا مع الانترنت بشكل عام
طب وهانستفيد اية من الفورمز دى فى برمجتنا يعنى هانعمل بيها اية؟
طب نقول مثال خفيف
دلوقتى انت صاحب مطعم وبتقدم خدمة الطلبات عبر الانترنت
دخل الزائر على موقعك لكن عايز يحط طلبة ويبعتهولك فياترى دى هاتتم ازاى؟؟
هنا يجى دور الفورمز
يعنى الفورمز ببساطة اماكن مدخلات بيحط فيها الزائر بيانات معينة بيحددها صاحب الموقع ويرسلها لصاحب الموقع
ممكن تكون البينات دى اسم او رقم او يكون الفورم دة على شكل اختيارات زى ماشفنا فى الرابط الى فات
والى اللقاء فى الدرس القادم لنتعمق اكتر فى هذة اللغة القوية والتى يتميز باتقانها اى مبرمج